በአንድ ጊዜ ድጋፍዎ ዘላቂ ምንዳና ትሩፋት የሚያገኙበት ንቅናቄ ቅዳሜ ይጀመራል።

የብዙ አቅመ ደካማ ወገኖቻችንን ጓዳ በመሸፈን የብዙሃንን እንባ የጠረገ የሰብዓዊነት ጎጆ ። ባቡል ኸይር የበጎ አድራጎት ድርጅት ከ5000 በላይ ወገኖችን በየቀኑ በመመገብ ስድስት ዓመታት በመዝለቅ በርካቶችን ከድጋፍ ወሳጅነት አላቆ ፣ ራሳቸውን ችለው እንዲቆሙ በማሰልጠንና በማብቃት የስራ እድል እየፈጠረ ፣ በተለይም ለአረጋዊያን እናቶች ፣ ለአካል ጉዳተኞች ፣ ለወላድ አራሶች ፣ ለአረጋዊያን አባቶች እና ባሎቻቸውን በሞት ላጡ እና በከፍተኛ ህመም ላይ ለሚገኙባቸው ሴቶች መሸሸጊያ የሆነ የእናት ጓዳ ነው ባቡል ኸይር። በአንድ በኩል የምገባ አገልግሎት ፣ በሌላ በኩል ራሳቸውን እንዲችሉ በማሰልጠን ስድስት ዓመታትን በመዝለቅ ያለፉትን ሶስት ዓመታት በክራይ ሶስት ዓመታትን ከመንግስት በተረከብነው ውስን መሬት ላይ ብዙዎችን ፀሀይና ብርድ እየተፈራረቀባቸው ሂደቱ እንደቀጠለ ይገኛል። በሌላ በኩል በዘላቂነት 5000 ካሬ መሬት ላይ የባቡል ኸይር የምገባና የአረጋዊያን መጠለያ ሁለገብ ማዕከል ፕሮጀክትን በዘላቂነት እውን ለማድረግ ያስችለን ዘንድ አቅም በፈቀደ መልኩ እየተፍጨረጨርን እንገኛለን። ግንባታው በፎቶው ላይ በምትመለከቱት መልኩ ማድረስ ችለናል። ግንባታውን አሁን ከደረሰበት በላይ ለማድረስና የሚሰጠውን አገልግሎት በይፋ ለማስጀመር ያግዘን ዘንድ እነሆ ነገ ቅዳሜ ይፋዊ የገንዘብ ማሰባሰብ ዘመቻ በተለያዩ የሶሻል ሚዲያ አማራጮች በይፋ ይጀመራል። እርሶም የአረጋዊያንና የአቅመ ደካሞችን ማረፊያ ዘላቂ ግንባታን እውን በማድረግ የመልካም ስራ ዘመቻ ላይ አቅሞ በፈቀደው ልክ በገንዘብ ፣ በአይነት ፣ በእውቀቶ ፣ መረዳትና ማገዝ በሚችሉ ሁሉ መረጃውን ለሌሎች በማድረስ ጭምር ተሳታፊ እንዲሆኑ ባቡል ኸይር ጥሪውን ያቀርባል።

ባቡል ኸይር የበጎ አድራጎት ድርጅት ኑ ! በቅንነት ወደ መልካምነት!

Our emergency response teams are on the ground providing lifesaving assistance including:

• Emergency food and water distribution
• Medical supplies and healthcare services
• Emergency shelter and essential items
• Psychosocial support for affected families